Makane vaa pon makane vaa മകനേ വാ പൊൻമകനേ വാ

മകനേ വാ‍…പൊന്മകനേവാ…
മനസ്സിന്‍ മൌന ഗാനം കേള്‍ക്കാനോടി വാ
അമ്മയ്ക്കൊരുമ്മ താ…അമ്മയ്ക്കൊരുമ്മ താ..

നിന്‍ ചിരികാണാതെന്റെ പ്രഭാതം
പുഞ്ചിരിക്കാന്‍ മറന്നു
നിന്‍ കളിചിരിയില്‍ മുഴുകാനാവാ-
തെന്റെകിനാവുകള്‍ പൊലിഞ്ഞൂ
അന്ത്യദളവും കൊഴിയും മുന്‍പേ അരികില്‍ വാ
കണ്ണുപൊത്തിക്കളി മതിയാക്കി ഓടി വാ
അമ്മയ്ക്കൊരുമ്മ താ…അമ്മയ്ക്കൊരുമ്മ താ…
(മകനേ വാ….)

നിന്മൊഴി കേള്‍ക്കാതെന്റെ നിശീഥം
ഒന്നുറങ്ങാന്‍ മറന്നൂ
നിന്നിളം മെയ് ചൂടേല്‍ക്കാന്‍ കൊതിച്ചീ
അമ്മതന്‍ മാറിടം ചുരന്നു
അന്ത്യരാഗം തീരും മുന്‍പേ അരികില്‍ വാ..വാ വാ
കള്ളപ്പിണക്കത്തിന്‍ കഥ മറന്നോടിവാ
അമ്മയ്ക്കൊരുമ്മതാ… അമ്മയ്ക്കൊരുമ്മ താ
മകനേ വാ…പൊന്‍ മകനേ വാ…..