Karutha Chirakumaay കറുത്ത ചിറകുമായ്

കറുത്ത ചിറകുമായ്
രോമശൂന്യമാം നീണ്ട
കഴുത്തും നീട്ടിച്ചാരെ –
ക്കാത്തിരുന്നെന്നോ മൃത്യു ?

മുമ്പിലേ നടന്നോള്‍ നീ,
ദീപവും കെടുത്തിക്കൊ-
ണ്ടെന്തിനോ ദു:ഖത്തിന്റെ
നേര്‍ക്കൊരു ചിരിയുമായ്,

മുമ്പിലേ നടന്നോള്‍ നീ,
ദീപവും കെടുത്തിക്കൊ-
ണ്ടെന്തിനോ ദു:ഖത്തിന്റെ
നേര്‍ക്കൊരു ചിരിയുമായ്,

വെളിച്ചം നിറഞ്ഞ നിന്‍
കണ്‍കളെത്താനേ ഞെരി-
ച്ചടച്ചു കളഞ്ഞപ്പോള്‍,
വിശ്വത്തെ പുണര്‍ന്നാകെ-

പ്പരക്കും ചിറകുക-
ളൊടിച്ചു കളഞ്ഞപ്പോ-
ളിരുട്ടില്‍ തന്നെത്തന്നെ-
യാഞ്ഞെറിഞ്ഞുടച്ചപ്പോള്‍

എന്റെ വൈദ്യുതവീചി
വിറച്ചു പിന്മാറുന്നൂ
എന്റെ കണ്ണീരില്‍ ശോണ-
ബിന്ദുക്കളുടയുന്നൂ …..