Ennittum Vannillallo എന്നിട്ടും വന്നില്ലല്ലോ

എന്നിട്ടും വന്നില്ലല്ലോ എന്റെ
കണ്ണുതുടച്ചില്ലല്ലോ
എന്നിട്ടും വന്നില്ലല്ലോ

നിന്നെയും കാത്തു നീറുമീയെന്റെ
തേങ്ങല്‍ നീ കേട്ടില്ലല്ലോ
ദുനിയാവിലാശയ്ക്കു വിലയില്ലല്ലോ
പ്രണയത്തിനായിന്നു വിലയില്ലല്ലോ
പണവും പദവിയുമുണ്ടെങ്കിലാരെയും
പനയപ്പെടുത്താമല്ലോ
എന്നിട്ടും വന്നില്ലല്ലോ

ഓര്‍മ്മവെച്ചുള്ളൊരു നാളുതൊട്ടെന്റെ
ഓരോകളിയിലും കൂട്ടിന്നെത്തി
എന്നുള്ളില്‍ പൊന്‍കൂടു കൂട്ടിയ തോഴാനീ
എന്നെ മറന്നിടുമോ പാവമാം
എന്നെ മറന്നിടുമോ?