Olangale Odangale ഓളങ്ങളേ ഓടങ്ങളേ

ഓളങ്ങളേ ഓടങ്ങളേ വെള്ളിമണി തുള്ളുന്ന ചന്തങ്ങളേ
തീരത്തു പൂവരശു പൂവിട്ടിതാ
നീരാഴിയും പാലാഴിയായ്
ഒരു നോക്കില്‍ വിരിയും പൊന്‍പൂക്കളായ്
ഓളങ്ങള്‍ മുറിയേ ഓടങ്ങള്‍ വാ
തുള്ളുമോളങ്ങളില്‍ കന്നിയോടങ്ങള്‍ വാ
(ഓളങ്ങളേ)

നീ കണ്ടു മോഹിച്ച പൊന്മത്സ്യമായ്
നീരാഴിയില്‍ നീന്തി ഞാന്‍ പോവതായ്
കണ്ടൂ കിനാവൊന്നു ഞാനിന്നലെ
നിന്‍ തോണി നിറയുന്നു പവിഴങ്ങളാല്‍
ഈ തിരയിലാടുന്നതെന്‍ മോഹമോ നിന്‍ തോണിയോ?
(ഓളങ്ങളേ)

പൂമുന്തിരിപ്പന്തല്‍ രാപ്പാര്‍ക്കുവാന്‍
തേന്‍ മാതളങ്ങള്‍ വിരുന്നേകുവാന്‍
ഏതോ കിനാവിന്റെ കൈകോര്‍ത്തു നാം
തേടുന്ന പനിനീര്‍ മലര്‍ തോപ്പിതാ
ചേവടികള്‍ താളത്തിലാടുന്നിതാ
ആടുന്നിതാ….
(ഓളങ്ങളേ)