Pookkunnitha mullaപൂക്കുന്നിതാ മുല്ല

Pookkunnithaa mulla, pookkunnilanjhi
Pookkunnu thenmaavu, pookkunnashokam
Vaaykkunnu velikku varnnangal, poovaal
Chokkunnu kaadanthi meghangalpole.

Ellaadavum pushpagandham paratthi
Mellennu thekkunnu veeshunnu vaayu,
Ullaasamee neenda kookooravaththaa-
Lellaarkkumekunnithe kokilangal.

Kaanunnithaa raavile poovu thedi
Ksheenathvamoraaththa theneechcha kaattil
Ponereyulsaahamulkkondivaykke-
Nthonam velukkunnushassoiyithellaam?

Paadangal ponnin niram poondu,
Neleppaadipparanneththiyithaththayellaam
Kedatta nellin kathirkaambukotthi-
Koodaarnna dikkorththu pokunnu vaanil.

Chantham dharakkeraayaay sheethavum
Poyanthikku poonkaavilaaleraayaayi
Santhoshmerunnu, devaalayaththil
Ponthunnu vaadhyangal-vannoo vasantham!

പൂക്കുന്നിതാ മുല്ല, പൂക്കുന്നിലഞ്ഞി

പൂക്കുന്നു തേന്മാവു, പൂക്കുന്നശോകം

വായ്ക്കുന്നു വേലിക്കു വര്‍ണ്ണങ്ങള്‍, പൂവാല്‍

ചോക്കുന്നു കാടന്തിമേഘങ്ങള്‍പോലെ.

എല്ലാടവും പുഷ്പഗന്ധം പരത്തി

മെല്ലെന്നു തെക്കുന്നു വീശുന്നു വായു,

ഉല്ലാസമീ നീണ്ട കൂകൂരവത്താ-

ലെല്ലാര്‍ക്കുമേകുന്നിതേ കോകിലങ്ങള്‍.

കാണുന്നിതാ രാവിലേ പൂവു തേടി

ക്ഷീണത്വമോരാത്ത തേനീച്ച കാട്ടില്‍

പോണേറെയുത്സാഹമുള്‍ക്കൊണ്ടിവയ്ക്കെ-

ന്തോണം വെളുക്കുന്നുഷസ്സോയിതെല്ലാം?

പാടങ്ങള്‍ പൊന്നിന്‍‌നിറം‌പൂണ്ടു,

നീളെപ്പാടിപ്പറന്നെത്തിയിത്തത്തയെല്ലാം

കേടറ്റ നെല്ലിന്‍ കതിര്‍ക്കാമ്പുകൊത്തി-

ക്കൂടാര്‍ന്ന ദിക്കോര്‍ത്തു പോകുന്നു വാനില്‍.

ചന്തം ധരയ്ക്കേറെയായ് ശീതവും

പോയന്തിക്കു പൂങ്കാവിലാളേറെയായി

സന്തോഷമേറുന്നു, ദേവാലയത്തില്‍

പൊന്തുന്നു വാദ്യങ്ങള്‍-വന്നൂ വസന്തം!