Thinkal Thudukkumbozhente Mukham തിങ്കൾ തുടുക്കുമ്പോഴെന്റെ മുഖം

തിങ്കള്‍ തുടുക്കുമ്പോഴെന്റെ മുഖം

പൊന്‍കഴള്‍ തുള്ളുമ്പോഴെന്റെ താളം

കൊഞ്ചിപ്പിണങ്ങിയാലെന്‍ ചിണുക്കം

പുഞ്ചിരി വാടിയാലെന്റെ ദുഃഖം (2)

(തിങ്കള്‍ )

ഓര്‍മ്മയിലിന്നും കുരുന്നു തന്നെ

ഓമനയുണ്ണികളരുമ തന്നെ

കാലം കുറുക്കി കുഴമ്പു തന്നു

കാലങ്ങള്‍ വാഴുവാന്‍ പാട്ടു തന്നു

(കാലം )

കാറ്റിന്റെ വള്ളിയില്‍ വാനില്‍ പറക്കുമ്പോള്‍

കാവലായെന്നും കൂടെ വന്നു (2)

ഓര്‍മ്മയിലിന്നും കുരുന്നു തന്നെ

ഓമനയുണ്ണികളരുമ തന്നെ

(തിങ്കള്‍ )

കാര്‍നിഴലുണ്ടും നിലാവു് തന്നു

വേനലായു് നിന്നും മഴ ചൊരിഞ്ഞു

(കാര്‍നിഴലുണ്ടും)

ആത്മാവു് തന്നെ പകര്‍ന്നു തന്നു

അതൊരാനന്ദ ബന്ധനമായി വന്നു (2)

ഓര്‍മ്മയിലിന്നും കുരുന്നു തന്നെ

ഓമനയുണ്ണികളരുമ തന്നെ

(തിങ്കള്‍ )