Karukayum thumbayum കറുകയും തുമ്പയും

കറുകയും തുമ്പയും നെറുകയില്‍ ചാര്‍ത്തുന്ന
നറുമഞ്ഞുതുള്ളിയെപ്പോലെ
കുളിര്‍വെണ്ണിലാവിന്റെ കൂട്ടില്‍ വളര്‍ന്നൊരു
കളമൊഴിപ്പെണ്‍കിളിയായിരുന്നു
അവള്‍ കാകളി പാടുവോളായിരുന്നു!

അവളെ നിങ്ങള്‍ക്കറിയില്ല!

കരിവളക്കൈകളാല്‍ താളമിട്ടും
കൈകൊട്ടിക്കളിയുടെ ചുവടുവച്ചും
ഓണനിലാവുവന്നംഗംതലോടുമ്പോള്‍
എന്തൊരു നിര്‍വൃതിയായിരുന്നു!
(കറുകയും)

ആര്‍ക്കും അവളുടെ ദുഃഖങ്ങളറിയില്ല

അനഘമാം മോഹത്തിന്‍ വീഥികളില്‍
അരുമയാം ചിറകുമായ് പറന്നുപോകെ
എന്തിനു പാവമാ തൂമണിപ്രാവിനെ
നിങ്ങളന്നമ്പുകളെയ്തുവീഴ്ത്തി