Ennittum neeyenne arinjillallo എന്നിട്ടും നീയെന്നെ അറിഞ്ഞില്ലല്ലോ

എന്നിട്ടും നീയെന്നെ അറിഞ്ഞില്ലല്ലോ…

എന്നാര്‍ദ്ര നയനങ്ങള്‍ തുടച്ചില്ലല്ലോ…

എന്നാത്മ വിപഞ്ചികാതന്ത്രികള്‍ മീട്ടിയ

സ്‌പന്ദനഗാനമൊന്നും കേട്ടില്ലല്ലോ…

(എന്നിട്ടും…)

അറിയാതെ അവിടുന്നെന്‍ അടുത്തുവന്നു…

അറിയാതെ തന്നെയെന്നകത്തു വന്നു…

ആ… ആ… ആ… (അറിയാതെ.. )

ജീവന്റെ ജീവനില്‍ സ്വപ്‌നങ്ങള്‍ വിരിച്ചിട്ട

പൂവണിമഞ്ചത്തില്‍ ഭവാനിരുന്നു…

(എന്നിട്ടും…)

നിന്‍ സ്വേദമകറ്റാനെന്‍‍ സുന്ദരസങ്കല്‌പം

ചന്ദനവിശറി കൊണ്ടു വീശിയെന്നാലും (നിന്‍ സ്വേദമകറ്റാനെന്‍‍.. )

വിധുരയാമെന്നുടെ നെടുവീര്‍പ്പിന്‍ ചൂടിനാല്‍

ഞാനടിമുടി പൊള്ളുകയായിരുന്നു…

(എന്നിട്ടും…)